Եվրամիությունը չպետք է մասնակցի Արցախի հակամարտության կարգավորմանը: Նման կարծիք է հայտնել Արցախի պետնախարար Արտակ Բեգլարյանը «ՌԻԱ Նովոստիին» տված հարցազրույցում:
«Հաշվի առնելով Մինսկի խմբի համանախագահների ձևաչափը և ռուս խաղաղապահ առաքելության արդյունավետ դերակատարությունը՝ մենք կարծում ենք, որ Ղարաբաղյան հակամարտության կարգավորման հարցը չպետք է դառնա Եվրամիության համար բանակցությունների առարկա»,- ասել է Բեգլարյանը:
Նա ընդգծել է, որ երկխոսությունն անհրաժեշտ է, բայց այն չպետք է դառնա «Ռուսաստանի հետ Արևմուտքի այսօրվա ոչ հեշտ հարաբերությունների մաս»: Բեգլարյանի խոսքով՝ խնդրի համար արդեն կա միջազգայնորեն ճանաչված ձևաչափ՝ ԵԱՀԿ Մինսկի խմբի համանախագահները, որոնք էլ պատասխանատու են հակամարտության կարգավորման համար:
Պատրաստեց Վիկտորյա ԱՆԴՐԵԱՍՅԱՆԸ
