«Այո, անհամաչափ ուժի կիրառման դեպքեր են եղել, այսինքն՝ ուժի, որն անհրաժեշտ չէր, պիտանի չէր կոնկրետ ոստիկանի օրինական պահանջի ապահովման տեսակետից»,-խորհրդարանում լրագրողների հետ ճեպազրույցում այսօր ասաց ՀՀ ՄԻՊ Քրիստինե Գրիգորյանը՝ անդրադառնալով մայիսի երեսունին ընդդիմության գործողությունների ժամանակ ՀՀ ոստիկանության գործողություններին։
«Այդ օրը, նախորդ օրերի համեմատ, ակնհայտ էր, որ լարման աստիճանն էականորեն շատ ավելի բարձր էր։ Տեսանք, որ կար մտադրություն շենք ներխուժելու։ Մենք հարցեր ենք հղել ոստիկանությանը՝ պարզելու, թե մեր ներկայացված փաստերով ոստիկանության ծառայողների նկատմամբ ի՞նչ գործընթացներ կան։ Պահանջել ենք, որ պատշաճ իրավական գնահատականի արժանանան, եթե կպարզի։ Մենք չենք կարող պնդել, թե արարքում քրեական տարրեր կան, դրանք պետք է բացահայտվեն օբյեկտիվ, պատշաճ քննության արդյունքում»,-շեշտեց Քրիստինե Գրիգորյանը։
Նա հայտնեց, որ մայիսի երեսունին ոստիկանությանը հասցեագրված նշյալ դիմումի պատասխանը դեռեւս չունի։
Կարդացեք նաև
Լուիզա ՍՈՒՔԻԱՍՅԱՆ
