Այսօր երեխաների իրավունքների պաշտպանության միջազգային օրն է։
Միայն անվտանգ և ապահով միջավայրում զարգացող, սիրով և հոգատարությամբ շրջապատված երեխան կարող է դառնալ խոստումնալից ապագա կերտողը։
Այսօրվա երեխաները վաղը մեր որոշում կայացնողներն են՝ առաջնորդները, մեր երկիրն ավելի լավն ու բարեկեցիկ դարձնողը։
Ուստի, այսօրվանից նրանց երազանքների իրականացումը պետք է դառնա մեծահասակներիս ամենօրյա աշխատանքը։ Նրանք պետք է միշտ իրենց պաշտպանված ու երջանիկ զգան։
Կարդացեք նաև
Մենք պարտավոր ենք ստանձնել մեր երեխաների բարեկեցիկ և անվտանգ մանկության միջավայր ստեղծելու հանձնառությունը՝ նրանց երազելու և երազանքի հետևից գնալու հնարավորություն տալու համար։
Թող որ այսօր և ամեն օր մեր տղա և աղջիկ երեխաները զգան, որ մենակ չեն, և որ պետությունը լիարժեք կանգնած է նրանց իրավունքների լիարժեք իրացման կողքին։
Մենք նրանց մաղթում ենք անամպ երկինք և բազում հնարավորություններ կերտելու համար իրենց ապրելու երկիրը։
«Ապրելու երկիր» կուսակցությունն օրվա առթիվ զրուցել է նաև երեխաների հետ՝ պարզելու, թե ինչպիսին է նրանց համար Հայաստանը, ինչ կփոխեին իրենց երկրում և թե արդյոք կցանկանային իրենք լինել երկրի ղեկավարը։
Զրույցի մանրամասները՝ տեսանյութում․
«Ապրելու երկիր» կուսակցություն
