«Վերջին կանխատեսումներով ենթադրվում է, որ տարեվերջին գնաճը սկսելու է նվազել եւ հայտնվելու է 6-6,5%-ի շրջանակում»,-ԱԺ մշտական հանձնաժողովներում այսօր ՀՀ 2021թ․ պետական բյուջեի կատարման տարեկան հաշվետվության քննարկման ժամանակ հայտարարեց ՀՀ կենտրոնական բանկի փոխնախագահ Ներսես Երիցյանը։
«Այդուհանդերձ, նոր շոկեր կան՝ կապված տարածաշրջանի իրավիճակի հետ։ Գնաճի՝ դրսից եկող հիմնական շոկն էներգակիրների թանկացումը եւ տրանսպորտային արժեշղթաների խեղումը, ինչն աշխարհի մակարդակով բարձրացրել է լոգիստիկ ծախսերը։ Ազդեցությունները վերջին մեկ ամսում բարձրացող գնաճով նկատելի են, բայց կարծում եմ՝ հակառակ ուղղությամբ այն կգնա»,-հավելեց Ներսես Երիցյանը։
Նրա խոսքով, եթե այլ շոկեր չլինեն՝ 12-ամսյա կտրվածքով գնաճը վերադառնալու է թիրախային՝ 4%-ի շեմին (1% շեղմամբ)։
Լուիզա ՍՈՒՔԻԱՍՅԱՆ
Ներսեսի ասածին լուրջ մի վերաբերվեք։ Նա պոպուլիստ էր դեռ այն ժամանակներից երբ Նիկոլը դեռ մանուկ էր