Դուք բարեփոխված ոստիկանության մասին եք խոսում, երեկվա դեպքերը քննարկե՞լ եք, ծառայողական քննություն սկսվե՞լ է՝ այսօր ԱԺ-ում լրագրողները հարցրեցին փոխոստիկանապետ Վարդան Մովսիսյանին: Նա պատասխանեց. «Հիմա կոնկրետ դեպքերի թիվը չեմ կարող ասել: Ուսումնասիրություններ պետք է լինեն, որ հետո հաշվետվություն ներկայացնենք: Բոլոր դեպքերով ուսումնասիրություններ են ընթանում»:
Հարցին՝ երբ ոստիկանները հարցաթերթիկ էին լրացնում, հարցաթերթիկում կա՞ր թքելու, մարդկանց ծեծելու, մարդկանց նկատմամբ անհամաչափ ուժ կիրառելու մասին՝ փոխոստիկանապետը չպատասխանեց՝ ասելով, որ ուշանում է:
Aravot.am-ի հարցին՝ Ֆրանսիայի հրապարակից դուք որեւէ թմրամոլի բռնե՞լ եք, թե՞ չէ, որովհետեւ իշխանականներն ասում են՝ այնտեղ թմրամոլներ են, դուք բռնե՞լ եք որեւէ մեկի, որը պարզվել է՝ թմրամոլ է՝ Մովսիսյանը պատասխանեց. «Ես չեմ կարող պատասխանել, ես նման տվյալ չունեմ, կարող է ոստիկանությունն ունի»:
Հարցին՝ դուք միշտ հպարտացել եք բարեփոխված ոստիկանությունով, սա՞ էր բարեփոխվածը՝ Վարդան Մովսիսյանը պատասխանեց. «Հա, ես հպարտ եմ մեր ոստիկանությունով»: Դիտարկմանը՝ բա որ ոստիկանը թքում է, ծեծում է, հպա՞րտ եք՝ փոխոստիկանապետը արձագանքեց. «Իսկ որ ոստիկանին թուրք են անվանում, դուք միայն ոստիկանության կողմի՞ն եք մեղադրում: Բոլորն էլ մարդիկ են, կարող է չհամբերի ինչ-որ մի անձը ու այո, գնա ոչ համաչափ, կամ ոչ օրինական գործողության, որի համար ինքը պատասխան է տալու օրենքի սահմաններում»:
Կարդացեք նաև
Հռիփսիմե ՋԵԲԵՋՅԱՆ
