«Երկիրը դարձրել են տոնավաճառ, մարզերը վաճառում են՝ հանուն խաղաղության»,-Նիկոլ Փաշինյանի հրաժարականի պահանջով դիմադրության շարժման ժամանակ այսօր հայտարարեց պաշտպանության նախկին փոխնախարար Արտակ Զաքարյանը։ Նրա խոսքով՝ իշխանության «խաղաղության օրակարգն» իրականում գոյություն չունի, եւ անգամ այլ երկրների ղեկավարներն են զարմանում, որ ՀՀ իշխանությունը «խաղաղության օրակարգ» է որդեգրել։
Արտակ Զաքարյանի խոսքով՝ եթե եւս մեկ ամիս կամ ամիսուկես Նիկոլ Փաշինյանը մնա իշխանության, ապա մենք հայտնվելու ենք նոր պատերազմի մեջ․ «Գործընթացը դրան է տանում, ժամանակին զգուշացնում էինք նաեւ 2020թ․ պատերազմի մասին։ Նիկոլը հիմա տանում է նոր պատերազմի։ Կֆայմի՞ հրաժարական տալ, կամ ընդդիմությունը համաժողովրդական շարժմամբ կհասնի դրան, ցույց կտա ժամանակը։ Որքան նա շուտ գնա, այնքան կկասեցվեն վտանգավոր գործընթացները։ Աշխարհաքաղաքական շահերի հարթակում հնարավոր է երկիրը որոշակի ժամանակ պահել դադարի մեջ, դրանից հետո զարգացնել անվտանգության, Արցախի կարգավիճակի խնդիրները։ Այ դա արդեն կկոչվի խաղաղության օրակարգ, երբ ինքներս դա կստեղծենք։ Մնացածը հեքիաթներ են»։
Լուիզա ՍՈՒՔԻԱՍՅԱՆ
