Ֆրանսիայի հրապարակում «Քաղբանտարկյալները «ժողովրդավարության բաստիոնում». օրենք եւ ամենաթողություն» թեմայով հանրային քննարկման ժամանակ Նարեկ Մանթաշյանի շահերը ներկայացնող Ալեքսանդր Կոչուբաեւը նշեց, որ հետապնդվող անձինք, որոնց մասին այսօր խոսում են, ոչ միայն քաղբանտարկյալ են, այլեւ քաղաքական պատանդառության մեջ են, որոնք առանց դատական ընթացակարգերի պահվում են կալանքի տակ: Եվ նրանց թվում նաեւ իր պաշտպանյալ Նարեկ Մանթաշյանն է։
«Այն գործը, որով պարոն Մանթաշյանը կալանավորված է, հարուցվել եւ քննվում է դեռեւս 2020 թ. նոյեմբերի 9-ից եւ որեւէ դրական տեղաշարժ չունի»,-ասաց Կոչուբաեւը եւ թվարկեց ընթացակարգերի խախտման բազմաթիվ դեպքերը՝ հայտարարելով, որ Նարեկ Մանթաշյանի նկատմամբ հետապնդումը բացառապես քաղաքական է եւ նրա բանտարկությունը, ըստ էության, քաղաքական բնույթ է կրում:
Ռուբեն Մելիքյանը Ալեքսանդր Կոչուբաեւի խոսքից առանձնացրեց նաեւ մի շատ կարեւոր հանգամանք: Այն, որ բացի ազատությունից զրկելուց, առանց հիմնավորման անձին նաեւ հաղորդակցության որեւէ հնարավորությունից են զրկում եւ որ մի շարք քաղբանտարկյալներ այդ վիճակում են:
Իրենց պաշտպանյալների նկատմամբ կիրառվող քաղաքական հետապնդումների տարբեր դրսեւորումների մասին խոսեցին նաեւ փաստաբաններ Վահե Եփրիկյանը, Վարազդատ Հարությունյանը, Աբգար Պողոսյանը, Սերգեյ Հարությունյանը, Միհրան Պողոսյանը (հեռավար):
Կարդացեք նաև
Աշոտ ՀԱԿՈԲՅԱՆ
