«Մենք պատրաստ ենք լսել ցանկացած քննադատություն, բայց խոսքս ուղղում եմ բոլոր նրանց, ովքեր անընդհատ փորձում են գտնել պատճառներ եւ հիմնավորումներ՝ այս հրապարակում չլինելու համար: Բոլոր խոսքերն ու մեջբերումներն ընդամենը պատճառաբանություններ են: Մենք ասել ենք, հիմա էլ կրկնում ենք՝ այս հարթակը բոլորինն է»,-«Դիմադրության շարժման» հանրահավաքի ժամանակ ասաց Իշխան Սաղաթելյանը:
«Մի պատճառաբանեք, որ չեք հավանում էս հարթակում գտնվող որեւէ մեկին, դուք էս հրապարակում չեք ինչ-որ մեկի համար»,-ասաց Սաղաթելյանն՝ ընդգծելով, որ խնդիրը պարզ է եւ հստակ՝ սեղանին դրված է Արցախի եւ Հայաստանի գոյության հարցը:
Նա ասաց, որ Հայաստանի Հանրապետության բոլոր պետական հաստատությունները՝ հոգեւոր, քաղաքական, մշակութային, ակադեմիական, բոլոր խավերը, էլիտան, հասարակական կազմակերպությունները պետք է հստակ արտահայտեն դիրքորոշում. «Կա՛մ կողմ են, կա՛մ դեմ են… Եվ սա ջրբաժան է: Այլեւս բոլոր ճանապարհները սպառված են, ստերի ու կեղծիքների ճանապարհը փակված է, սեղանին դրված են այն նվազագույն պահանջները, որոնք անհրաժեշտ են պետականություն եւ հայրենիք ունենալու համար»:
Գոհար ՀԱԿՈԲՅԱՆ
