«Այն, ինչ կա ՀՀ-Ադրբեջան բանակցային սեղանին, բավականին թափանցիկ եւ հրապարակային է։ Կան մի քանի ուղղություններ, որոնցով արդեն ունենք առաջընթաց, եւ կան ուղղություններ, որոնցում դեռ փորձում ենք հասկանալ հնարավոր կետերը, որտեղ դիրքորոշումները հնարավորություն ունեն համընկնելու»,-ԱԺ-կառավարություն հարցուպատասխանի ժամանակ այսօր հայտարարեց ԱԳ նախարար Արարատ Միրզոյանը։
«Օրինակ՝ սահմանազատման, սահմանային անվտանգության հարցերի ուղղությամբ արդեն որոշակի առաջընթաց կա, հանձնաժողովները հանդիպել են։ Տրանսպորտային ենթակառուցվածքների բացման հետ կապված որոշակի պատկերացումների համընկնումներ կան։ Բոլոր բացվելիք ճանապարհները պետք է լինեն այն երկրների սուվերենության ներքո, որով անցնում են։ Էլի համընկնումներ կան։ Այս առումով լավատես եմ»,-նշեց նախարարը։
Միրզոյանը շեշտեց՝ «Զանգեզուրի միջանցքը» այն տրամաբանությամբ, որով տեւական ժամանակ շրջանառվում էր, եւ որը որ ադրբեջանական կողմը փորձում է ներկայացնել, հայկական կողմի համար անընդունելի է․ «Կարծես թե կա համընդհանուր ընկալում, որ այդպես չի լինելու, որ բացվելու են տնտեսական ուղիները, բայց այն մեխանիզմներով, որոնք մեզ համար ընդունելի են»։ Իսկ ՀՀ -Ադրբեջան խաղաղության պայմանագրի բանակցությունները, Միրզոյանի խոսքով, առայժմ «բանակցություններ են բանակցությունների մասին»:
Կարդացեք նաև
Լուիզա ՍՈՒՔԻԱՍՅԱՆ
“Բոլոր բացվելիք ճանապարհները պետք է լինեն այն երկրների սուվերենության ներքո, որով անցնում են։”
Հետաքրքիր է, Հայաստանը Արցախին կապող ճանապարհը որուն սուվերե ության տակ պիտի ըլլայ.