Անկլավների վերաբերյալ հարցերը ծագել են օրերս Եվրամիության խորհրդի նախագահ Շառլ Միշելի հրապարակած հայտարարությունում նշված՝ «Ադրբեջանի տարածքով Հայաստանի տարբեր մասերի միջև տարանցման սկզբունքներին» ձեւակերպումից։ Այս մասին այսօր ԱԺ-կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ անդրադառնալով հարցին, որ իր՝ բրյուսելյան այցի համատեքստում շահարկվում է, թե անկլավներն Ադրբեջանին հանձնելու հարց է քննարկվել։
Փաշինյանի խոսքով՝ հարց է ծագել, թե ինչ հաղորդակցության մասին է խոսքը, ԱԽ քարտուղարն էլ պարզաբանել է, որ խոսքն, օրինակ, Երասխի եւ Մեղրիի միջեւ երկաթուղային հաղորդակցության մասին է․ «Այն կարող է հնարավորություն ստեղծել նաեւ ավտոմոբիլային հաղորդակցության համար։ Ճանապարհ մենք ունենք Մեղրիից դեպի ՀՀ բոլոր հատվածներ, բայց երկաթուղային ճանապարհը միայն դրա մասին է»։
Փաշինյանը նշեց՝ անկլավների հարց, որպես այդպիսին, Բրյուսելում չի քննարկվել, բայց պետք է իմանալ նաեւ, որ Ադրբեջանն այդ հարցն ակնարկով կամ ուղիղ տարբեր ձեւաչափերում բարձրաձայնում է․ «Մենք ասել ենք, որ բոլոր գործընթացներում պետք է խորամուխ լինել իրավական հիմնավորումների մեջ։ Մինչեւ այս պահը մենք չենք արձանագրել, որ «դե յուրե» ՀՀ տարածքում կան ադրբեջանական անկլավներ։ Հակառակը՝ արձանագրել ենք, որ Արծվաշենը «դե յուրե» ՀՀ տարածք է։ Հարցերը քաղաքական նպատակներով լրացուցիչ դրամատիզացնելու կարիք չկա։ Որեւէ մեկը չի կարող եւ չի պատրաստվում ժողովրդի թիկունքում ինչ-որ բան անել։ Արցախի ժողովրդի թիկունքում՝ առավել եւս։ Եթե կոնկրետ լուծումներ լինեն, հանրությունը կտեղեկացվի»։
Կարդացեք նաև
Լուիզա ՍՈՒՔԻԱՍՅԱՆ
Այո հայեր, վստահեցէ՛ք այս ստախօսին, որովհետեւ պատերազմին օրէ օր նահանջները հաղթելու ենքով ծածկողները, այդ նահանջներու մասին իրազեկող մտահոգները դավաճան կամ հինգերորդ շառասիւն անուանողները երբէք ժողովրդի թիկունքով ոչինչ չեն աներ.
Վստահեցէք, յետոյ ալ լաց եղէք։