ՀՀԿ փոխնախագահ Արմեն Աշոտյանը, որը նույնպես մասնակցում է «Դիմադրության» շարժման անհնազանդության երթին եւ առավոտից հազարավոր քաղաքացիների հետ շրջափակել են ՀՀ նախագահի նստավայրի շենքը, իր ելույթում ասաց․ «Նիկոլը ոչ մի բանի չէր հասնի, եւ չի հասնի, եթե նրա կողքը չլինեն իրեն սպասարկողները: Նրանք, կատարելով Նիկոլի հրահանգները, մի փոր կուշտ հացի համար, տակները չոր լինի, փորները լիքը տրամաբանության մեջ Նիկոլի հետ միասին վաճառում են մեր հայրենիքը»:
Ըստ Արմեն Աշոտյանի, այսօր նախագահի ինստիտուտը, որով միշտ հպարտացել ենք, դառնում է հայկական պետականության փլուզման, վախճանի խորհրդանիշը. «Մյուս հիմնարկը, որն այստեղից երեւում է, անվտանգության խորհուրդն է, որը շատ կարեւոր է Հայաստանի համար, նույնպես օկուպացված է Արմեն Գրիգորյանի կողմից: Մարդ, որը լինելով արցախցի, լծվել է Արցախի վաճառքի գործընթացին: Ամո՛թ այն մարդկանց, որոնք այսօր սպասարկում են Նիկոլ Փաշինյանին»:
Protesters of the ‘Resistance’ movement blocked RA Presidential Palace and demand the resignation of the RA Prime Minister Nikol Pashinyan
Protesters of the ‘Resistance’ movement blocked RA Presidential Palace and demand the resignation of the RA Prime Minister Nikol Pashinyan
Աշոտյանի խոսքով, դեռեւս 2020 թվականի հուլիսին հրապարակվեց Հայաստանի անվտանգության ռազմավարությունը, որը շատ կարեւոր փաստաթուղթ է երկրի համար. «Պատերազմից երկու ամիս առաջ նրանք միասին ջնջել էին «Արցախի հանրապետություն» հասկացությունը այդ պետական փաստաթղթից: Այսինքն՝ պատերազմը դեռ չկար, բայց ՀՀ իշխանությունների աչքերում Արցախի հանրապետություն արդեն չկար, հետո եղավ պատերազմը: Եվ ուզում եք, որ մեր ժողովուրդը հավատա, որ այս ամենը պատահականությո՞ւն է, որ այս երեք տարիները՝ 2018-ից մինչեւ 2020 թվականը, ինչ-որ արվել է՝ բանակի կազմաքանդման, Արցախի սուբյեկտայնությունը գցելու, Արցախի նախագահ Բակո Սահակյանին մարզպետ անվանելու, ուզում եք ասեք՝ այդ ամբողջը պատահականությո՞ւն էր, ո՛չ: Այս պատերազմի համար պատասխանատու են այս դավաճանները»:
Արմեն Աշոտյանի խոսքով, այս իշխանություններն այսօր հայ ժողովրդին դարձրել են աշխարհաքաղաքական մուրացկան, աշխարհաքաղաքական թրաֆիքինգի զոհ:
Կարդացեք նաև
Լուսինե ԲՈՒԴԱՂՅԱՆ
