ԱԳՆ շենքի մոտ Դիմադրության շարժման անհնազանդության գործողություններն ավարտվեցին: «Հայաստան» խմբակցության պատգամավոր Արամ Վարդեւանյանը հայտարարեց. «Առավոտ ժամը 8-ին մենք կարողացանք անել այն, ինչ շատ քչերը կպատկերացնեին՝ մենք կարողացանք ապահովել այս շենքի աշխատակիցների գործադուլի իրավունքը: Մենք պատգամավորներով մտանք ԱԳՆ, առաջին բանը, որ պետք է ասել՝ հաշված մարդիկ կային: Այս շենքը, որ միշտ լեփ-լեցուն էր, գրեթե մարդ չկար: Մենք գնացել էինք ձեր պահանջով մեկ բան բարձրաձայնելու՝ կա՞ն պաշտոնյաներ, որ կարող են ասել, որ Արցախը երբեք չի լինելու Ադրբեջանի կազմում»:
Վարդեւանյանը նաեւ հայտարարեց, որ կարմիր բերետավորները սադրում էին. «Այն բերետավորները, որոնք այս ընթացքում կատարել են խայտառակ հանցանքներ, իրենք հեռանալու են այստեղից, չի՛ լինելու»:
«Պատիվ ունեմ» խմբակցության քարտուղար Հայկ Մամիջանյանն էլ հայտարարեց. «Սրանից հետո ով չի ասում՝ Արցախը երբեք չի լինելու Ադրբեջանի կազմում, ռադ ենք անելու: Առանց Նիկոլ Հա-յաս-տա՛ն»:
Առաքելությունը համարելով կատարված՝ ցուցարարները շարժվեցին դեպի Ֆրանսիայի հրապարակ:
Կարդացեք նաև
Հռիփսիմե ՋԵԲԵՋՅԱՆ
