«Հայաստանը զրկվելու է ինքնիշխանությունից: Բրյուսելյան հանդիպումը խայտառակություն է հայ ժողովրդի պատմության մեջ, բոլոր այն մարդիկ, որոնք սպասարկել են ու սպասարկում են դավաճանին, խարանով դաջվելու են իրենց գերդաստաններով, որպես դավաճանների գերդաստաններ», – այսօր ԱԳՆ-ի շենքի մոտ տեղի ունեցող ցույցի ժամանակ հայտարարեց ՀՀԿ փոխնախագահ Արմեն Աշոտյանը:
Հիշեցնենք, որ այսօր առավոտից «Դիմադրության» շարժման մասնակիցները շրջափակել են ՀՀ ԱԳՆ-ի շենքը՝ թույլ չտալով մուտք ու ելք այդ գերատեսչություն:
Արմեն Աշոտյանի խոսքով, ամիսներ շարունակ իրենք ահազանգում են, որ Նիկոլ Փաշինյանը հանձնում է Արցախը Ադրբեջանին, իսկ Հայաստանը՝ Թուրքիային. «Մենք բերում էինք ձեզ ապացույցներ, վերլուծություններ, եւ ահա 2 օր առաջ Բրյուսելում դավաճան Նիկոլը եւ Արարատը համաձայնել են շարունակել մի գործընթաց, որի արդյունքում Արցախի ապագան դրված է հարվածի տակ, որի արդյունքում Հայաստանը զրկվելու է ինքնիշխանությունից»։
Նա դիմեց ԱԳՆ-ում աշխատող քաղաքացիներին. «Տղե՛րք մի մնացեք թուրքերին սպասարկու: Թքե՛ք ձեր դիվանագիտական աշխատանքի վրա: Պատվաբեր չէ աշխատել մի մարդու մոտ, որը Էրդողանի դեսպանն է Հայաստանում: Դուք դեսպանի դեսպան եք, դուք պետության դեսպան չեք: Քանի Նիկոլը կա՝ մենք պետություն չունենք»:
Կարդացեք նաև
Լուսինե ԲՈՒԴԱՂՅԱՆ
