Ֆրանսիայի հրապարակում ընթացող քննարկումների շրջանակում ԵՊՀ դասախոս եւ 5165 շարժման հիմնադիր անդամ Մենուա Սողոմոնյանը ներկայացրեց իր տեսակետը, թե այս պայմաններում նաեւ ինչո՞ ւ է ժողովրդավարության նահանջ գրանցող Հայաստանը, այդուհանդերձ, Արեւմուտքում համարվում ժողովրդավարության բաստիոն:
«Խնդիրը հետեւյալն է: Հայաստանի գործող իշխանությունները մտել են աշխարհաքաղաքական խաղերի մեջ, որոնց իմաստը կենտրոնաասիական տարածաշրջանի ածխաջրածինները Ադրբեջանի եւ Հայաստանի տարածքով Եվրոպա տեղափոխելն է եւ դրանով Արեւմուտքի կախվածությունը Ռուսաստանից վերացնելը: Դրա գինը Ադրբեջանի համար Արցախ ստանալն է, որը մեր իշխանությունները տալիս են: Իսկ դրա դիմաց էլ մեր իշխանությունների գինն այն է, որպեսզի արեւմտյան գործընկերները Հայաստանը կոչեն ժողովրդավարական»,- ասաց Մենուա Սողոմոնյանը:
Աշոտ ՀԱԿՈԲՅԱՆ
