«Քայլելով՝ նախարարությունից եկա այս ֆորումին, եւ դրսում մի քանի հարյուր մարդիկ էին բողոքի ցույց անում: Նրանք սուլում էին իմ հետեւից, հնչեցնում էին քննադատություններ, ու նրանցից ոմանք հնչեցնում էին վիրավորանքներ: Ես ժպտացի նրանց, ես ողջունեցի նրանց եւ մաղթեցի առողջություն ու բարօրություն»,- այսպես Ժողովրդավարության հայկական ֆորումին, որին ներս չթողեցին ընդդիմադիր պատգամավորներին, արդարադատության նախարար Կարեն Անդրեասյանը ներկայացրեց, թե ինչ ժողովրդավար է մեր կառավարությունը՝ հավելելով. «Որպես կառավարություն այսօր էլ, երեկ էլ եւ վաղն էլ մենք հենց այս եղանակով փորձելու ենք ժողովրդավարությունը դարձնել իրական Հայաստանում»:
Նա վստահեցրեց, որ ժողովրդավարությունը Հայաստանում ապագա ունի, անտեր չէ. «Այսօր նույնիսկ Հայաստանում օտարերկրյա դեսպաններն են Հայաստանում ենթարկվում գոնե վերբալ հարձակման, երբ իրենք չեն բավարարում առանձին խմբերի քաղաքական ճաշակները: Ես չեմ խոսում նույնիսկ պաշտոնյաների մասին, որոնք պետք է արժանիորեն քննադատվեն»:
Ըստ նախարարի՝ պետք է տարբերակել իրական լրագրողին դիվերսանտից, որը ձեռքին ունի խոսափող, պետք է տարբերակել իրական դատավորին կաշառակերից, որին բախտ է վիճակվել տանալ դատավորի պատմուճան:
Կարդացեք նաև
Հռիփսիմե ՋԵԲԵՋՅԱՆ
