Դիմադրության շարժման մասնակիցները «Արմենիա մարիոթ» հյուրանոցի մոտ սուլոցներով, «ամոթ» վանկարկումներով դիմավորեցին վարչապետ Նիկոլ Փաշինյանին, որը մասնակցում է ժողովրդավարության հայկական համաժողովին: Փաշինյանը հյուրանոց մտավ հետնամուտքով:
«Հայաստան» խմբակցության պատգամավոր Աննա Գրիգորյանը հայտարարեց, որ Փաշինյանը մտել է գաղտագողի, շրջանցելով քաղաքացիներին ու դա է իր պատկերը. «Հիշո՞ւմ եք, այս մեկն ասում էր, որ Հայաստանը ժողովրդավարության բաստիոն է: Հիմա ԱԺ պատգամավորները, ովքեր ունեն անձեռնմխելիություն, մտնելու են ներս՝ Մարիոթի շենք»:
Աննա Գրիգորյանի հետ էին «Պատիվ ունեմ» խմբակցության պատգամավորներ Հայկ Մամիջանյանը, Աննա Մկրտչյանը, «Հայաստան» խմբակցությունից Ասպրամ Կրպեյանը, Քրիստինե Վարդանյանը, Ագնեսա Խամոյանը, Արամ Վարդեւանյանը եւ այլք:
Protesters of the ‘Resistance’ movement hold a protest action n front of the Armenia Marriott Hotel of Yerevan, Armenia
Protesters of the ‘Resistance’ movement hold a protest action in front of the Armenia Marriott Hotel of Yerevan, Armenia
Protesters of the ‘Resistance’ movement hold a protest action in front of the Armenia Marriott Hotel of Yerevan, Armenia
Protesters of the ‘Resistance’ movement hold a protest action in front of the Armenia Marriott Hotel of Yerevan, Armenia
Protesters of the ‘Resistance’ movement hold a protest action in front of the Armenia Marriott Hotel of Yerevan, Armenia
Ոստիկանները շղթա էին կազմել ու թույլ չէին տալիս այն ճեղքել: Պատգամավորները բանակցեցին ոստիկանության պետի առաջին տեղակալ Արամ Հովհաննիսյանի հետ: Այնտեղ էր նաեւ փոխոստիկանապետ Արթուր Մարտիրոսյանը: Խամոյանն ու Վարդեւանյանը հորդորում էին բացատրել՝ ո՞րն է խնդիրը, որ պատգամավորների առաջ ճանապարհը փակում են ու թույլ չեն տալիս հյուրանոց մտնել: Հովհաննիսյանն էլ պատասխանում էր, թե՝ հարցեր մի տվեք:
Կարդացեք նաև
Հետո թույլ տվեցին միայն պատգամավորներին մտնել՝ առանց ցուցարարների ու առանց լրագրողների: Մամիջանյանը հայտարարեց, որ մտնում են՝ ցույց տալու Հայաստանի ժողովրդավարության իրական վիճակը:
Ներս մտնելուց հետո ընդդիմադիր պատգամավորներին դիմավորեցին պետական պահպանության ծառայության աշխատակիցները՝ թույլ չտալով մտնել միջոցառման սրահ: Նրանք ասում էին, որ սա հատուկ միջոցառում է, ու այդ պատգամավորների անունները ցուցակում չկան:
Հռիփսիմե ՋԵԲԵՋՅԱՆ
