Aravot.am-ի տեղեկություններով՝ մայիսի 19-ին Սյունիքի մարզի Կապան քաղաքի բնակիչ Հ. Ա.-ն դիմել է Կապանի ոստիկանության բաժին՝ տեղեկացնելով, որ իրենից խարդախությամբ գումար են կորզել։ Պարզվել է, որ խարդախությունը ծառայության բերումով կատարել է Կապանի բժշկական կենտրոնի ուռուցքաբան-թերապեւտ Ա․Փ․-ն։
Բժշկուհին Հ.Ա.-ից, դեղորայք տրամադրելու նպատակով, խաբեությամբ ու վստահությունը չարաշահելու եղանակով վերցրել է 205.000 դրամ։ Արդյունքում՝ ոչ դեղորայքն է հատկացրել, ոչ էլ գումարը հետ վերադարձրել։
Դեպքի առնչությամբ նյութեր են նախապատրաստվում, բժշկուհի Ա․Փ-ն ներկայացվել է ոստիկանության Կապանի բաժին։
Արմեն ԴԱՎԹՅԱՆ
