Եվրոպայի առաջնությանը նվիրված մամուլի ասուլիսում Հայաստանի բռնցքամարտի ֆեդերացիայի նախագահ Հովհաննես Հովսեփյանը գոհունակություն հայտնեց, որ բռնցքամարտը այսպիսի հետաքրքրություն է առաջացնում Հայաստանում:
«Մեր ազգային հավաքականի կազմը արդեն հայտարարված է: Ուրախությամբ պիտի նշեմ, որ շատ ուժեղ կազմով ենք մասնակցելու եւ այս թիմից շատ մեծ ակնկալիքներ ունենք: Մեկ անգամ եւս շնորհակալություն եմ հայտնում լրագրողներին այսքան մեծ ուշադրության համար: Ուզում եմ նաեւ տեղեկացնել, որ մայիսի 30-ին Երեւանում տեղի կունենա մեր մարզաձեւի մի կարեւոր իրադարձություն՝ EUBC-ի գործկոմի տնօրենների նորընտիր կազմի առաջին նիստը»,-ասաց նա: Ընդ որում` ինքը նույնպես վերջերս ընտրվել է այդ կազմում:
Ֆեդերացիայի նախագահը վստահեցրեց, որ շատ լավ արդյունքի ենք սպասում, սակայն ակնկալվող մեդալների քանակ գերադասեց չնշել: Սակայն հավաստիացրեց, որ մեր երկիրը ոչ մի քաշային կարգում մասնակցի կարգի առումով իրեն վատ չի զգալու:
Աշոտ ՀԱԿՈԲՅԱՆ
