ԱԺ արտահերթ նիստում այսօր ՔՊ խմբակցության պատգամավոր Էմմա Պալյանը պնդեց, որ օրերս, իր խոսքով, իրենց փրկիչ հռչակած ընդդիմադիրների մուտքը Շիրակի մարզ փակել են արժանապատիվ քաղաքացիները, եւ դա եղել է ինքնաբուխ, իսկ ճանապարհը փակածների մեջ եղել են գերիների հարազատներ, մինչդեռ ընդդիմությունն ամեն կերպ հերքում է դա։ «Գյումրիում «խաղաղ ցուցարարները» ծեծի ենթարկեցին տարեց մարդկանց՝ իրենց գաղափարակիցը չլինելու պատճառով։ Այս ծանոթ ձեռագիրը երբեք չի փոխվելու։ Սա է խոստացվող ապագան»,-նշեց Էմմա Պալյանը։
Նա դիմեց ընդդիմությանը․ «Հասկանում եմ, որ նեղվել եք շիրակցու՝ ձեզ ցուցաբերած վերաբերմունքից, բայց իրո՞ք սպասում էիք, որ շիրակցուն կարող եք «թուրքի եթիմ» ու «դավաճան» անվանել, նվաստացնել արժանապատվությունն ու հանգիստ մտնե՞լ մարզ։ Այդքան կտրվա՞ծ եք իրականությունից։ Շիրակցին ձեզ անվերադարձ մերժել է 2018թ․-ին։ Հաջորդ անգամ Շիրակի մարզի կողքով անցնելիս շատ երկար մտածեք»։
Հիշեցնենք՝ Գյումրիում եղած միջադեպի առիթով ընդդիմադիրներից հնչել է մեկնաբանություն, որ իրենց վրա թքել են, ձվեր նետել, մեքենա ջարդել։
Կարդացեք նաև
Լուիզա ՍՈՒՔԻԱՍՅԱՆ
