Հուլիսի 1-ից գործընկեր բանկերի քարտապան կենսաթոշակառուները եւ նպաստառուները, վճարումներն անկանխիկ ձեւով կատարելու դեպքում, հաջորդ ամիս անկանխիկ գործարքների հանրագումարից կստանան 10 % հետվճար, որը չի կարող գերազանցել 5000 դրամը։ Կառավարության այսօրվա նիստում գործադիրը հաստատեց անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության մասին նախագիծը։
Նախագծի ընդունմամբ պետական ծախսերը կավելանան մոտ 5 միլիարդ դրամով։ Այս ծրագրից, ինչպես նշված է նախագծում, կարող են օգտվել կենսաթոշակառուների 80 տոկոսը։
Առաջիկայում կհրապարակվի գործընկեր բանկերի ցանկը, եւ ինչպես ասաց աշխատանքի եւ սոցիալական հարցերի նախարար Նարեկ Մկրտչյանը, կենսաթոշակառուները կարող են իրենց հաշիվները տեղափոխել այս բանկեր եւ օգտվել ծրագրից։
Հետվճարումը կատարվելու է նաև անկանխիկ ձևով կատարված կոմունալ վճարումների դեպքում
Կարդացեք նաև
Վարչապետ Նիկոլ Փաշինյանն անդրադառնալով էլ նախագծով սահմանված հետվճարի 5000 դրամ շեմին, ասաց՝ մեզ մոտ կան կենսաթոշակների մի քանի շերտեր, կան արտոնյալ կենսաթոշակներ, կան քաղաքացիներ, որ մինչեւ 200 հազար դրամ ու ավել կենսաթոշակ են ստանում․«Մենք չենք ուզում այստեղ դիսբալանս ստեղծել»։
Նելլի ԲԱԲԱՅԱՆ
