Քիչ առաջ ՀՀ քննչական կոմիտեի զինվորական քննչական գլխավոր վարչությունում միջադեպ տեղի ունեցավ 44-օրյա պատերազմում զոհված զինծառայողների հարազատների և քննչականի կոմիտեի անվտանգության աշխատակիցների՝ կարգադրիչների միջև: Ինչպես արդեն տեղեկացրել ենք, զոհված զինծառայողների հարազատները եկել են պարզաբանումներ ստանալու, թե ինչու է հետաձգվել Նիկոլ Փաշինյանին որպես մեղադրյալ ներգրավելու միջնորդությունը, ինչու է քննիչն անգործություն դրսևորել:
Ծնողներից մի քանիսը ներսում են, իսկ մյուսներին, որոնք դրսում են սպասում, թույլ չեն տալիս մուտք գործել: Նրանք ուժով բացեցին Քննչական կոմիտեի զինվորական քննչական գլխավոր վարչության դարպասները:
44-օրյա պատերազմում զոհված զինծառայողների մայրերից մեկն ասաց՝ մեր տղաների արժանապատվության համար ենք անում:
Հարազատներից մի տղամարդ էլ վրդովված հայտարարեց. «Զենքով սաղիդ կգյուլլեմ: Խելոք մնացեք: Ասել եմ՝ սաղդ ինձ համար թուրք լինեք, ով ծնողի դեմը հելավ: Ասում եմ այն թուրք ղեկավարին, ով ծնողներից Գալեյան Գարիկին ձերբակալել է: Գալեյան Գարիկին պիտի բաց թողնեք»:
Կարդացեք նաև
Զոհվածների հարազատներին թույլ չեն տալիս ներս մտնել, ասում են, որ անվտանգության հետ կապված խնդիր կա: Ծնողներն էլ զգուշացնում են՝ փողոց կփակեն:
Տաթև ՀԱՐՈՒԹՅՈՒՆՅԱՆ
