Մայիսի 21-ին Կարեն Դեմիրճյանի անվան մարզահամերգային համալիրում մեկնարկող բռնցքամարտի Եվրոպայի տղամարդկանց առաջնությանը նախապատրաստվող Հայաստանի ազգային հավաքականի գլխավոր մարզիչ Կարեն Աղամալյանը հրապարակել է այն բռնցքամարտիկների անունները, որոնք կպաշտպանեն Հայաստանի մարզական դրոշի պատիվը: Մեր ընտրանին ներկայացուցիչ ունենալու է բոլոր քաշային կարգերում: Նրանք են. 48 կգ՝ Բարեղամ Հարությունյան, 51 կգ՝ Արթուր Հովհաննիսյան, 54 կգ՝ Ջանիկ Սահակյան, 57 կգ՝ Արթուր Բազեյան, 60 կգ՝ Կարեն Տոնականյան, 63,5 կգ՝ Հովհաննես Բաչկով, 67 կգ՝ Գուրգեն Մադոյան, 71 կգ՝ Նարեկ Զաքարյան, 75 կգ՝ Վախթանգ Հարությունյան, 80 կգ՝ Համբարձում Հակոբյան, 86 կգ՝ Ռաֆայել Հովհաննիսյան, 92 կգ՝ Նարեկ Մանասյան, +92 կգ՝ Դավիթ Չալոյան:
Ավելի վաղ Կարեն Աղամալյանը Aravot.am-ին ասել էր, որ ձեւավորվել է բավական ուժեղ եւ հավասար կազմ, որի ուժերին հավատում է, եւ որ Եվրոպայի առաջնությունում մեր հավաքականից տեսնում է առնվազն հինգ մեդալակրի:
Աշոտ ՀԱԿՈԲՅԱՆ
