«Փաստագրում» ֆեյսբուքյան էջը տեղեկացնում է.
Լեւոն Տեր-Պետրոսյանի՝ Արցախի հարցով հարցազրույցների դիտումները հատեցին մեկ միլիոնի սահմանագիծը։
Հանրային հեռուստատեսության յութուբյան ալիքում Լեւոն Տեր-Պետրոսյանի՝ 2021թ. մայիսի 27-ին տված հարցազրույցի (հարցազրուցավար՝ Պետրոս Ղազարյան), դիտումները հատեցին 1 միլիոնի սահմանագիծը։ Հարցազրույցի հիմնական թեման Արցախի հարցն է՝ 44-օրյա պետերազմի, դրանից հետո ստեղծված իրավիճակի եւ մեր անելիքների մասին։
Նույն հեռուստաալիքին ավելի վաղ` մինչեւ պատերազմը տված մեկ այլ հարցազրույց (27.03.2017, հարցազրուցավար՝ Ագնեսա Խամոյան), որ վերաբերում էր արցախյան հակամարտության կարգավորման խնդրին, դիտումներով ընդհուպ մոտենում է 1 միլիոնի սահմանագծին (շուրջ 960.000 դիտում)։
Քաղաքական խոսքի դիտումների համար սա զգալի թիվ է նաեւ միջազգային չափանիշներով (անգամ նկատի ունենալով աշխարհում տարածված լեզուների բազմամիլիոն լսարանը), իսկ հայ իրականության համար սա բացառիկ է՝ որպես հարցազրույցի ժանրով քաղաքական գործչի ընդարձակ վերլուծական հրապարակային քաղաքական խոսք (յուրաքանչյուրը շուրջ 50 րոպե տեւողությամբ)։
Կարդացեք նաև
Հատկանշական է, որ դիտումների էական մասը գրանցվել է վերջին ամիսներին, երբ ակտիվացել են արցախյան խնդրի վերջնական կարգավորման մասին խոսակցություններն ու նախաձեռնությունները:
