Երեւանի կենտրոնի խաչմերուկներից մեկում անհնազանդության գործողությունների մասնակիցները մի պահ շուրջպար բռնեցին: Ոստիկաները հեռախոսներով նկարեցին անհնազանդության գործողությունների մասնակիցների շուրջպարը: Իսահակյան փողոցում ավտոմեքենաներից ողջունում էին անհնազանդության գործողությունների մասնակիցներին: Վարորդներից շատերը դուրս էին եկել մեքենաներից ու միացել նրանց: Տերյան-Իսահակյան խաչմերուկում ավտոմեքենաները նույնպես ազդանշաններով սկսեցին սատարել ցուցարարներին, որոնք կանայք էին, քանի որ տղամարդկանց կարմիր բերետավորները կոպտորեն բերման էին ենթարկել:
ԱԺ պատգամավոր Աննա Մկրտչյանն ասաց, որ տղաների գլուխները ասֆալտին հարվածելով կարմիր բերետավորները տարել են. «Դա անում են Նիկոլին բավարարելու համար, նույնիսկ մայթերից քաղաքացիներին բերման էին ենթարկում, որոնք փորձում էին բացատրել, որ բիրտ ուժ չկիրառեն, սակայն բոլորի շորերը պատռելով տարան… Բայց մեզ միանում են քաղաքացիներ, սա խոսում է այն մասին, որ Հայաստանում կոնսենսուս կա, Նիկոլը կհեռանա, մենք կունենանք առանց Նիկոլ Հայաստան»:
Կարդացեք նաև
Գոհար ՀԱԿՈԲՅԱՆ
