«Ախպեր հիշի, քո ընկերները զոհվել են, դուք էլ պիտի պայքարեք», – անհնազանդության գործողությունների մասնակիցն ասաց ոստիկաններին, որոնք փորձում էին բռնի ուժով բացել ճանապարհը: «44-օրվա պատերազմի մասնակից տղերքը մեզ համար մեռան, էդ տղերքը չասին անձրեւ ա, ցուրտ ա, իսկ դուք գործի եք գնում», – ասաց անհնազանդության գործողության մասնակիցը աշխատանքի գնացող քաղաքացիներին: Կարմիր բերետավորները սկսեցին բիրտ ուժի կիրառմամբ բերման ենթարկել քաղաքացիներին: Նրանք կոպտորեն վարվեցին նաեւ ԱԺ պատգամավորների հետ:
ԱԺ պատգամավոր Աննա Մկրտչյանը ցույց տվեց նրանց դեմքերը. «Դուք տեսաք, թե ինչպես բիրտ ուժի կիրառմամբ մեր հայրենակիցներին բերման ենթարկեցին, որեւէ մեկը օրինական պահանջ մեզ չէր ներկայացրել, այդ պահին մենք նույնիսկ ճանապարհը չէինք էինք փակել, կարմիր բերետավորները եկան ու մարդկանց բերման ենթարկեցին: Սրանց մեջ կան առանց տարբերանշանի մարդիկ, որոնք պատգամավորի հետ խոսելու ձեւ չգիտեն, օրենք չգիտեն, ուղղակի մարդկանց բերման են ենթարկում: Կառավարության շենքում նստած վախկոտը հրաման է տալիս, որ գան ու բերման ենթարկեն: Երեկ ՔՊ-ականները վայնասուն էին դրել, որ ոստիկանները պետք է ճանապարհները բացեն, որպեսզի չթողնեն խցանումներ լինեն… Վախկոտը՝ կառավարությունում նստած, չի կարող որեւէ մեկիս պարտադրել իր կամքը, միասնական առաջ ենք գնալու»:
Կարդացեք նաև
Գոհար ՀԱԿՈԲՅԱՆ
