«Եվրամիության Արեւելյան գործընկերության հետ կապված վերջին զեկույցները մեր համար շատ հաճելի են, որովհետեւ դրանք ցույց են տալիս, որ Հայաստանն իսկապես վստահ առաջ է ընթանում ժողովրդավարական բարեփոխումների ճանապարհով»,-Նիդերլանդների թագավորության վարչապետ Մարկ Ռուտեի հետ ճեպազրույցի ժամանակ հայտարարեց ՀՀ վարչապետ Նիկոլ Փաշինյանը։
«Նրբություն կա, որը կուզեի ասել։ Մենք չէինք ուզենա, որ Արեւելյան գործընկերության երկրները գնահատվեն ըստ նրա, թե արդյոք նրանք Եվրամիությանը միանալու օրակարգ ունե՞ն, թե՞ ոչ։ Կարծում եմ՝ դրանք տարբեր խնդիրներ են։ Մենք մեր բարեփոխումների ուղղությամբ շատ լավ առաջ ենք շարժվում եւ չենք ցանկանա, որ առաջընթացը գնահատվի ըստ նրա, թե մենք ԵՄ անդամի թեկնածո՞ւ ենք, թե՞ ոչ։ Պետք է խնդրենք, միջնորդենք, որ այս առումով Արեւելյան գործընկերության երկրների դասակարգումներ տեղի չունենան, որ երկրները խմբավորվեն ըստ իրենց օբյեկտիվ ցուցանիշների եւ բարեփոխումների հաջողությունների տրամաբանությամբ»,-նշեց Նիկոլ Փաշինյանը։
Նիդերլանդների թագավորության վարչապետ Մարկ Ռուտեն էլ իր հերթին անդրադարձավ ՀՀ-ԵՄ վիզաների ազատականացման երկխոսության հարցին՝ ասելով, որ թեման բավականին բարդ է․ «Նորություններ չկան այս պահին, երկխոսությունը վարվում է»։
Կարդացեք նաև
Լուիզա ՍՈՒՔԻԱՍՅԱՆ
