ՀՀ վարչապետ Նիկոլ Փաշինյանի հետ հանդիպումից հետո լրագրողների հետ ճեպազրույցում անդրադառնալով հարցադրմանը, որ Ադրբեջանը շարունակում է պահել հայ ռազմագերիներին՝ Նիդերլանդների թագավորության վարչապետ Մարկ Ռուտեն վստահեցրեց, որ իր երկիրը եւս աշխատում է այդ հարցի ուղղությամբ։ «Նիդերլանդները կշարունակի պայքարել նրանց վերադարձի համար»,-նշեց նա։
Նիկոլ Փաշինյանն էլ Ադրբեջանի՝ հայ ռազմագերիների պահման առնչությամբ հավելեց, որ Նիդերլանդների վարչապետի եւ հայկական կողմի դիրքորոշումներն այստեղ համընկնում են․ «Իհարկե, հասկանալի է, որ այդ իրավիճակը միջազգային հանրության համար ավելի եւ ավելի անընդունելի է դառնում, երբ մարդկային կյանքերն օգտագործվում են քաղաքական նպատակներով։ Մեր դիրքորոշումը հստակ է՝ ռազմագերիները պետք է վերադառնան տուն»։
Լուիզա ՍՈՒՔԻԱՍՅԱՆ
