Սյունիքի մարզի ընդհանուր իրավասության դատարանի դատավոր (լիազորությունները կասեցված են) Բորիս Բախշիյանը մայիսի 7-ին ազատ արձակվեց: Նախաքննական մարմինը կալանքը երկարաձգելու միջնորդություն չէր ներկայացրել դատարան։
«Ես ինչպես 3 ամիս առաջ, այսօր էլ նույն կարծիքին եմ եւ պնդում եմ, որ սա ուղղակի միջամտություն էր դատավորի իմ գործունեությանը, ընդ որում բիրտ, եւ այն, ինչ արտահայտել եմ 3 ամիս առաջ եւ այն հիմնավորումները, որոնք ներկայացրել են իմ պաշտպանները, այսօր էլ նույն են եւ որեւէ բան չի փոխվել»,-նշեց Բորիս Բախշիյանը լրագրողների հետ հանդիպմանը։
Հիշեցնենք, որ Բորիս Բախշիյանի նկատմամբ քրեական գործը հարուցվել է ՀՀ քրեական օրենսգրքի 348-րդ հոդվածի 3-րդ մասով՝ անձին ապօրինի կալանավորելու հատկանիշներով, որն առաջացրել է ծանր հետեւանք։ Բարձրագույն դատական խորհրդի որոշմամբ նրա լիազորություններ դադարեցվեցին, ու Բորիս Բախշիյանը կալանավորվեց փետրվարի 7-ին։
Կալանքից ազատված դատավորը մեկ անգամ եւս հայտարարեց, որ մնում է իր տեսակետին ու ճիշտ դատական ակտ է կայացրել։ «Ես էլի պնդում եմ, որ իմ կայացրած դատական ակտը օրինական է եւ հիմնավոր, ինչ ես մտածել եմ՝ շարադրել եմ այդ դատական ակտի մեջ»,-ասաց նա ։
Կարդացեք նաև
Արմեն ԴԱՎԹՅԱՆ
