ԱԺ-ում քննարկվում էր բերման ենթարկված ցուցարարներին եռամսյա հավաքներին ներգրավելու հարցը:
Այսօր «Դիմադրության» շարժման հանրահավաքին «Պատիվ ունեմ» խմբակցության պատգամավոր Տիգրան Աբրահամյանն անդրադարձավ Անդրանիկ Քոչարյանի այդ նախաձեռնությանը՝ ասելով, որ նա ենթադրել է, թե ցուցարարները կա՛մ խուսափել են ժամկետային ծառայությունից,կա՛մ եռամսյա հավաքներից ու հանձնարարություն է տալիս ԱԱԾ-ին, ՊՆ-ին ստուգելու դա:
Տիգրան Աբրահամյանը Անդրանիկ Քոչարյանի պատասխանը տվեց հրապարակային. «Փախնողներին գնացեք ձեր շրջապատում փնտրեք: Այս մարդիկ չեն հասկանում, որ զինված ուժերում ծառայությունը, հայրենիքի պաշտպանության գործում մասնակցությունը դա պատիվ է եւ բոլորիս արժանապատվության հարցն է: Այս մարդիկ բանակն ընկալում են՝ որպես մահակ, եռամսյա հավաքները, ԶՈւ-ում ծառայությունը ընդունում են որպես շանտաժ, սպառնալիք: Դա ձե՛ր ընկալումն է, ձեր էությունն է, մեր համար բանակը սրբություն է, մեր համար հայրենիքի պաշտպանությունը սրբազան գործ է: Ասում են՝ Արցախի հարցը գնացեք Արցախում լուծեք: Ես 4 տարի աշխատել եմ Արցախում, 4 տարի ծառայել եմ Արցախում, այդ պահին համարել եմ, որ իմ ծառայությունը Արցախում է, գնացել եմ Արցախում եմ արել, այս պահին Արցախի հարցը լուծվում է Երեւանում, դրա համար մենք հավաքվել ենք ու այդ հարցը լուծում ենք այստեղ: Ականջներիդ օ՛ղ արեք: Եվ վերջինը՝ դուք բանակի անունից խոսելու իրավունք չունե՛ք, դուք բանակը չե՛ք ներկայացնում, բանակը մե՛նք ենք ներկայացնում: Բանակը այստեղ հավաքված մարդիկ են ներկայացնում: Բանակը կազմավորած, դիրքերում կանգնած, կայացրած, տարբեր փուլերում ծառայություն անցած, բանակի համար իրենց ամեն ինչը դրած մարդիկ են ներկայացնում բանակը, արա՛, դուք բանակի հետ կապ չունեք վապշե»:
Կարդացեք նաև
Նա վստահեցրեց, որ իրենք ամեն ինչ անելու են բանակի համար, վերականգնելու են բանակը ու չեն թողնելու, որ բանակն այսպես մնա. «Նիկո՛լ, թող գնա՛»:
Հռիփսիմե ՋԵԲԵՋՅԱՆ
