Հայաստանում տեղի ունեցող իրադարձություններն այդ երկրի ներքին գործն են, բայց Մոսկվան շահագրգռված է իրավիճակի շուտափույթ կարգավորմամբ: Այս մասին լրագրողներին ասել է Կրեմլի պաշտոնական ներկայացուցիչ Դմիտրի Պեսկովը:
«Դա ամբողջությամբ և լիովին Հայաստանի ներքին գործն է,- ասել է Պեսկովը:
Միաժամանակ, նա նշել է, որ Հայաստանն իրենց դաշնակիցն է, «մեր գործընկերը մի քանի՝ մեզ համար կարևոր ինտեգրացիոն ձևաչափերում, Հայաստանը մեր մեծ բարեկամն է»:
«Ուստի, իհարկե, մենք շահագրգռված ենք, որպեսզի Հայաստանում հնարավորինս արագ այս շրջանն ավարտվի և նորից գա կայունության շրջան, ինչը թույլ կտա փուլ առ փուլ առաջ շարժվել Ղարաբաղի հարցով եռակողմ պայմանավորվածությունների կատարման ուղղությամբ, որոնք ավարտին են հասցվել Ռուսաստանի նախագահի միջնորդությամբ, ինչպես նաև ընդհանուր առմամբ [թույլ կտա առաջ շարժվել] մեր երկկողմ հարաբերությունների զարգացման ուղղությամբ»,- ասել է Պեսկովը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
