Հունաստանում ընթացող ծանրամարտի աշխարհի երիտասարդական առաջնությունում Հայաստանն այսօր երկրորդ մեդալակիրն ունեցավ:
67 կգ քաշային կարգում Գոռ Սահակյանը պոկեց 137 կգ՝ արժանանալով փոքր արծաթի, հրեց 165 կգ, ինչը 3-րդ ցուցանիշն էր եւ երկամարտի 302 կգ-ով նվաճեց բրոնզե մեդալ:
Նախորդ օրը 61 կգ քաշային կարգում Անդրանիկ Պապեյանը պոկում վարժությունում կարողացավ ցույց տալ միայն 115 կգ, իսկ ահա հրումում բոլոր երեք մոտեցումները ձախողեց ու ստացավ զրո միավոր:
Աշոտ ՀԱԿՈԲՅԱՆ
