Ադրբեջանի նախագահ Իլհամ Ալիևը հայտարարել է, որ «Զանգեզուրի միջանցքի» շրջանակում երկաթուղու ադրբեջանական հատվածը պատրաստ կլինի արդեն 2023թ.:
«Զանգեզուրի միջանցքն արդեն իրականություն է: Ինչ վերաբերում է երկաթուղուն, ապա մեր կայանն այդ ուղղությամբ, որն այս պահին վերջին երկաթուղային ենթակառուցվածքն է, Հորադիզն է: Հորադիզից Աղբենդ (Հայաստանի սահման) երկաթուղու շինարարությունն արդեն ընթանում է, և ես համոզված եմ, որ հաջորդ տարի այն լիարժեք պատրաստ կլինի շահագործման: Դա կլինի շատ հարմար ենթակառուցվածք ինչպես քաղաքացիների, այնպես էլ միջազգային բեռնափոխադրումների համար»,- ասել է Ալիևը:
Նա նաև նշել է, որ արագացված տեմպերով ընթանում է ավտոմայրուղիների շինարարությունը Հորադիզից դեպի Զանգելան:
Ալիևը նաև նշել է, որ ընթացիկ տարում շահագործման կհանձնվի Զանգելանի միջազգային օդանավակայանը:
Կարդացեք նաև
«Վստահ եմ, որ այդ օդանավակայանը շատ գործառույթներ կունենա, քանի որ ապագայում մենք Զանգելանը տեսնում ենք որպես միջազգային տրանսպորտային-լոգիստիկ կենտրոն: Այդ շրջանի գտնվելու վայրը, միջազգային շուկաներին մոտ լինելը և այլ գործոններ կապահովեն դա: Այնն կարևոր գործիք է մեր տնտեսական, տրանսպորտային և անվտանգային հարցերը լուծելու համար»,- ասել է նա:
Պատրաստեց Վիկտորյա ԱՆԴՐԵԱՍՅԱՆԸ
