ԱԺ-կառավարություն հարցուպատասխանի ժամանակ այսօր անդրադառնալով իր հրաժարականի պահանջով Երեւանում ընթացող բողոքի գործողություններին՝ Նիկոլ Փաշինյանն ասաց, որ ժողովրդավարությունը չպետք է մեկնաբանվի որպես իշխանության կամ պետության թուլություն․ «Ժողովրդավարությունն այսօր ՀՀ թիվ մեկ միջազգային բրենդն է․․․ընդդիմության հարգելի գործընկերները մեզ ծաղրում էին քայլելու համար։ Պտույտներից հետո իրենք որոշեցին քայլել։ Մեզ ծաղրում էին ուսապարկ կրելու համար։ Քաղաքի խանութներում ուսապարկ, ցավոք, մնացել է, որովհետեւ ընդդիմության շարքերը այդքան հոծ չեն, որ սպառեն քաղաքի բոլոր ուսապարկերը։ Պարզապես գներն են բարձրացել, որովհետեւ գիտեն՝ նորահայտ կլիենտուրան փողի խնդիր չունի, եւ բիզնեսը որոշել է կրկնապատկել ապրանքի շրջանառությունը»։
Նիկոլ Փաշինյանը շարունակեց․ «Մեր «Քայլո»-ին էին ծաղրում։ Հիմա քաղաքում անտուն շների գինն է բարձրացել․ ընդդիմադիր էլիտան մեծ փողելով․․․Չալոյի նման եթե լինում է, ավելի է գինը բարձրանում, բայց էլի կանցնի, եթե ուղղակի․․․մեզ ասում էին, որ մենք ենք հեղաշրջմամբ եկել, բայց իրենք նույն քայլերն են կրկնում։ Կամ իրենք պետք է ասեն, որ հիմա ուզում են հեղաշրջում անել, պետք է խոստովանեն, որ մենք հեղաշրջում չենք արել, այլ օրինական, ժողովրդավարական գործընթացով են եկել իշխանության»։
Նիկոլ Փաշինյանի խոսքով․ «Իրենց թվում է, որ եթե մեզ նմանակեն, կստացվի։ Ժամանակին Ֆրունզիկ Մկչրտչյանը Վահրամ Փափազյանին ասում է, որ Օթելլոյի դերն է ուզում ստանձնել։ Փափազյանն ասում է՝ տղաս, ամեն սեւ բան Օթելլո չէ»։
Կարդացեք նաև
Լուիզա ՍՈՒՔԻԱՍՅԱՆ
