ՀՀ գլխավոր դատախազության առջեւ հավաքված 44-օրյա պատերազմում զոհվածների հարազատներին աջակցելու եկած պետական, հասարակական գործիչ Էդգար Ղազարյանը Aravot.am-ին ասաց. «Հարազատները դիմում էին ներկայացրել դատախազություն: Փաստերով հետագայում հարուցվել է քրեական գործ եւ զոհվածների հարազատները արդեն ճանաչվել են իբրեւ տուժողներ: Սակայն իշխանությունները մինչեւ այսօր չեն հրապարակել պատերազմում զոհվածների ոչ անունները, ոչ էլ՝ վերջնական թիվը: Ինչքան պաշտոնական տեղեկություն են հրապարակել, բոլորը հակասական են, ոչ մի թիվ մյուսին չի համապատասխանում: Իսկ գործընթացի հետ կապված, նորից կան այլ իրավական խնդիրներ:
Եթե մարդիկ ճանաչվել են տուժող, նշանակում է տեղի է ունեցել հանցագործություն: Եթե տեղի է ունեցել հանցագործություն, ապա պետք է հասկանալ, թե ով է մեղադրյալը, ում է մեղադրանք առաջադրվել: Դա հասկանալու համար պարտադիր չէ իրավաբան լինել: Դատախազությունն էլ սահմանադրությամբ ստեղծված անկախ մարմին է ու ոչ ոքի չի ենթարկվում եւ նրա համար է այս կարգավիճակով ստեղծված, որ զբաղվի միայն պետական շահերի պաշտպանությամբ նաեւ պետական պաշտոնյաներից»:
Աշոտ ՀԱԿՈԲՅԱՆ
