Այսօր կեսօրին «Դիմադրության» շարժման ներկայացուցիչները փակել էին նաեւ Երեւանի Աբովյան փողոցը: Փողոց փակող ցուցարարների մեջ էին նաեւ «Հայաստան» հիմնադրամի նախկին նախագահ Արա Վարդանյանը եւ Յուրի Խաչատուրովի որդին՝ Իգոր Խաչատուրովը:
Ցուցարարները վանկարկում էին «Նիկոլ, դավաճան» եւ կոչ էին անում քաղաքացիներին՝ միանալ հայրենիքի փրկության շարժմանը:
Ցույցի ժամանակ մի քանի անգամ լեզվակռիվներ եղան ցուցարարների եւ ցուցարարների տեսակետը չկիսող քաղաքացիների միջեւ: Վերջիններս ցուցարարներին մատնանշում էին, որ հայրենիքը պատերազմի ժամանակ էր պետք պահել: «Ո՞ւր էր պատերազմի ժամանակ Նիկոլդ՝ իրա պատգամավորներով»,- հակադարձեց «Դիրքապահ» Քառօրյա պատերազմի մասնակիցների միավորման ղեկավար Մանուել Մանուկյանը՝ հավելելով, որ ինքն իր կուսակից ընկերների հետ պատերազմի ժամանակ էլ էր կռիվ տալիս թշնամու դեմ:
Քաղաքացիներից շատերն էլ իրենց համերաշխությունն էին հայտնում ցուցարարներին:
Կարդացեք նաև
Աբովյան փողոցում նույնպես բավական շատ ոստիկանական ուժեր էին կենտրոնացված:
Մանրամասները՝ տեսանյութում
Ավելի ուշ ոստիկանները մեքենաներով՝ ազդանշանները միացրած, փորձում էին ցրել անհնազանդության ցույցը: Մանուել Մանուկյանը բերման ենթարկվեց:
Նելլի ԳՐԻԳՈՐՅԱՆ
