Մամուլի ազատության համաշխարհային օրվա առիթով՝ այսօր Մարդու իրավունքների պաշտպան Քրիստինե Գրիգորյանը հանդիպել էր լրագրողների հետ: Հանդիպման ընթացքում ՄԻՊ Քրիստիննե Գրիգորյանը խոսեց մամուլի ազատության մասին: Նա ասաց, որ
Մարդու իրավունքների պաշտպանի գրասենյակը նախորդ տարի տեղեկատվության իրավունքի ազատության խախտման վերաբերյալ ստացել է 87 դիմում-բողոք:
«Այդ բողոքների ուսումնասիրությունը մեզ թույլ է տալիս եզրակացնել, որ շատ հաճախ պետական հաստատությունների կողմից տեղեկատվության հարցման պատասխանները տրվում են ժամկետների ուշացումներով, երբեմն որպես պատասխան այդպիսին կա, բայց բովանդազուրկ են»,- ասաց պաշտպանը՝ մտահոգիչ համարելով մասնագիտական գործունեության ընթացքում լրագրողների եւ օպերատորների նկատմամբ բռնության դեպքերը: Քրիստինե Գրիգորյանն ասաց, որ հետեւողական են լինելու, որպեսզի բոլոր մեղավորները պատժվեն։
Լուսինե ԲՈՒԴԱՂՅԱՆ
