«Կասկած չունենաք»,- լրագրողների հարցին՝ արդյոք շարժումն այս անգամ կհաջողի՞, այսպես պատասխանեց ՀՀ երրորդ նախագահ Սերժ Սարգսյանը։ Նա այս պահին Ֆրանսիայի հրապարակում է, այցելել է այնտեղ գիշերել պատրաստվող քաղաքացիներին։
Սերժ Սարգսյանը լրագրողների հարցերին հիմնականում հակիրճ պատասխաններ էր տալիս։ Հարցին՝ այս անգամ կստացվի՞ Արցախի հարցում զիջումները կանխել, Սերժ Սարգսյանը պատասխանեց՝ այո։ Մյուս հարցին՝ չկա՞ մտավախություն, որ իշխանությունը ուժ կգործադրի, Սերժ Սարգսյանը հարցով պատասխանեց՝ ինչո՞ւ պետք է ուժ գործադրի, լրագրողները պատասխանեցին՝ որ ցրի հավաքը։ Սերժ Սարգսյանը կատակով արձագանքեց․ «Իշխանությունը գո՞ղ է, որ ցրի»։
Կարդացեք նաև
Հարցին՝ Իլհամ Ալիևի ցանկությունները կարո՞ղ են իրականանալ, Սերժ Սարգսյանը պատասխանեց․ «Իրենց ցանկությունները չեն կարող իրականանալ»։ Հարցին՝ երբ պաշտոնավարում էիք, Արցախի նշաձող իջեցնելու վերաբերյալ միջազգային հանրությունը խոսո՞ւմ էր, Սերժ Սարգսյանը պատասխանեց․ «Տասը տարի միջազգային հանրությունն ասում է, որ Արցախը պետք է ինքնորոշվի։ Ուշադրություն մի դարձրեք նման ասածներին»։
Լրագրողները նաև հետաքրքրվեցին՝ եթե իշխանափոխություն լինի, հնարավոր կլինի՞ Արցախը փրկել, Սերժ Սարգսյանն ի պատասխան ասաց՝ այդ հարցին արդեն պատասխանել եմ։
Տաթև ՀԱՐՈՒԹՅՈՒՆՅԱՆ
Լուսանկարները՝ ՀՀԿ ֆեյսբուքյան էջի
