«Այսօրվա իշխանությունն ապիկար կառավարմամբ տանում է մեր ժողովրդին դեպի ծնկի իջեցում թուրքի դեմ»,- Ֆրանսիայի հրապարակում ընդդիմության հանրահավաքի ժամանակ հայտարարեց պաշտպանության նախկին նախարար, «Հայաստան» խմբակցության պատգամավոր Սեյրան Օհանյանը։
Նա վստահեցրեց՝ բանակը ժողովրդի կողքին է, և ինչ էլ ուզում է լինի՝ բանակն այսօր մեր սահմաններին կանգնած է։ Սեյրան Օհանյանը հորդորեց՝ աջակցենք հայկական բանակին։ «Բանակ, բանակ» վանկարկումներով հանրահավաքի մասնակիցները պատասխանեցին նրան։
Խոսելով խաղաղության դարաշրջանի մասին՝ նա ասաց․ «Կուրորեն գնալ, մտնել խաղաղության խաբկանքի մեջ, անընդունելի է։ Եթե, ինչպես ասում են, հարձակվեն մեզ վրա, եթե մենք հաղթենք, նույնիսկ եթե հարձակվեն, պետության ղեկավարության, այսօրվա բանակի խնդիրն է։ Եթե այսօր չպայքարենք մեր ինքնության համար, ասելու են սրանք իրենց հայրենիքի համար չեն պայքարո՞ւմ»։
Սեյրան Օհանյանը վստահեցրեց՝ պատերազմը հնարավոր էր հաղթել ու ասաց․ «Իհարկե, ձեր անկազմակերպվածությամբ, պետությունը ռազմական ռելսերի վրա չդնելու, երկիրը չհամախմբվելու, սևի ու սպիտակի բաժանելու պայմաններում անհնարին էր։ Մինչդեռ հնարավոր էր այնպես անել, որ չպարտվեինք, հնարավոր էր նաև հաղթանակ տանել, բայց մատը մատին չեն խփել»։
Կարդացեք նաև
Տաթև ՀԱՐՈՒԹՅՈՒՆՅԱՆ
