Երեկ միասնական պայքարի շրջանակում Եռաբլուրից Մայր Աթոռ Սուրբ Էջմիածին գնացած եւ սրբազան օրհնություն ստացած Արցախի Հանրապետության շուրջ 50 մետր երկարություն ունեցող դրոշը հետաքրքիր կենսագրություն ունի: Դրա մասին Aravot.am-ին պատմեց պետական, հասարակական գործիչ Էդգար Ղազարյանը:
«Արցախի այս դրոշը պատրաստող անձն այն կարել է 44-օրյա պատերազմի ժամանակ՝ այն երազանքով, որ պատերազմը կունենա հաղթական ավարտ, եւ դրոշը կլինի մեր հաղթանակի դրոշը: Ցավոք սրտի, այս իշխանության վատ կառավարման, անգործությունների ու սխալների հետեւանքով մենք պատերազմը տանուլ տվեցինք: Եվ դրոշը մնացել էր հեղինակի տանը:
Հիմա մենք դրոշը դուրս ենք բերել փողոց որպես հաղթանակի խորհրդանիշ՝ այն վերստին Արցախ տանելու եւ հաղթանակի խորհրդանիշ դարձնելու երազանքով: Եվ այսօր մեզ համար խորհրդանշական է, որ Եռաբլուր փառքի պանթեոնից այս դրոշը մենք բերում ենք Մայր Աթոռ Սուրբ Էջմիածին՝ օրհնության: Այն այստեղից աղոթքներով կտանենք Երեւան, կմիացնենք հաղթանակի պայքարի վերջնական, ամփոփիչ փուլին, որից հետո երազանք ունենք, որ այս դրոշը մի օր կհայտնվի Շուշիում»:
Աշոտ ՀԱԿՈԲՅԱՆ
