ԱԺ «Իմ քայլը» խմբակցության նախկին պատգամավոր, ադրբեջանագետ Տաթևիկ Հայրապետյանի ֆեյսբուքյան գրառումը
«Նրանք պետք է մի կողմ թողնեն պատրանքները, այնպիսի փորձերը, ինչպիսիք են վերականգնել բանակը, հզորանալ, հասցնել բնակչության թիվը 5 միլիոնի, ինչի մասին խոսվում է կառավարության ծրագրում, վերադարձնել տարածքները։ Դա կլինի նրանց պետականության ավարտը, պաշտոնական ավարտը», -հայտարարել է այսօր Բաքվի բռնապետը։
Փաստացի, Ալիևը ոչ միայն սպառնում է մեզ նոր պատերազմով, այլ նաև խառնվում պետության ներքին գործերին, կոչ անում ոտքի չկանգնել, չհզորանալ, բանակ չունենալ, քանի որ դա սպառնալիք կհամարի։ Դրա փոխարեն ինքը խոսում է սեփական բանակի հզորացման մասին։ Սա ևս մեկ հստակ ցուցիչ է, որ այս երկրի ղեկավարությունը շատ հեռու է մեզ հետ խաղաղություն կառուցելուց, իսկ եթե ուզում ենք խաղաղություն ունենալ և պետականություն չկորցնել, պետք է բանակը վերակառուցել, պետք է ազգային նպատակ ու ծրագիր ունենալ, ոչ թե ինքնախաբեությամբ զբաղվել։
Կարդացեք նաև
