Հայաստանը պետք է հրաժարվի Ադրբեջանի և Թուրքիայի նկատմամբ տարածքային հավակնություններից: Այս մասին հայտարարել է Ադրբեջանի նախագահ Իլհամ Ալիևը՝ Շուշիում ընթացող «Հարավային Կովկաս. զարգացում և գործակցություն» համաժողովին:
«Հայաստանը պետք է հասկանա, որ չի կարելի մնալ տարածաշրջանում մեկուսացված, «կղզու» ռեժիմով: Կարգավորելով հարաբերությունները Հայաստանի հետ, ընդ որում՝ հրաժարվելով Ադրբեջանի և Թուրքիայի նկատմամբ տարածքային հավակնություններից, նա չպետք է խոչընդոտի եռակողմ գործակցությանը»,- ասել է Ալիևը:
Նա նշել է, որ Հայաստանն ավելի վաղ մերժել էր եռակողմ բանակցությունների մի քանի առաջարկներ տարբեր մակարդակներով, մասնավորապես ԱԳՆ մակարդակով, տարբեր մասնագետների, ինչպես նաև քաղհասարակությունների մակարդակով:
«Մեր գործընկերները տեղյակ են այդ մասին: Հրաժարվելու պատճառը ոչ մեկը չգիտի, քանի որ, կարծում եմ, այդ մոտեցումը ծայրահեղ ոչ արդյունավետ է: Եթե մենք նայենք տարածաշրջանի ապագային, ապա Հայաստանի քաղաքականությունը որևէ տրամաբանության չի ենթարկվում տարածաշրջանային անվտանգության, Հարավային Կովկասում գործակցության և զարգացման շրջանակում: Հայաստանը պետք է կարգավորի հարաբերություններն Ադրբեջանի և Թուրքիայի հետ, ընդ որում՝ հրաժարվելով տարածքային հավակնություններից»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
