Իջևան խոշորացված համայնքը, «ԵՄ-ն՝ հանուն մշակութային զարգացման» ծրագրի շրջանակում ընդգրկվել է այն երեք համայնքների շարքում, որոնց բացառիկ հնարավորություն է տրվել մինչև 2022թ հունիսը մշակել համայնքի մշակութային զարգացման ռազմավարական պլան։ Ծրագրի շրջանակներում Իջևանում հանդիպում է կայացել ՀՀ 3 մարզերի 9 համայնքների ներկայացուցիչների մասնակցությամբ։
Իջևանի համայնքապետարանի կրթության, մշակույթի և սպորտի բաժնի պետ՝ Լիլիթ Ղալումյանը Aravot.am-ի հետ զրույցում նշեց, որ համայնքների մշակութային ոլորտի ներկայացուցիչների հետ արդեն իսկ ձեռք են բերվել բազմաթիվ պայմանավորվածություններ՝ փոխհամագործակցության համար։ Քննարկման արդյունքում վեր հանվեցին ոլորտի խնդիրները, նշվեցին դրանց լուծման արդյունավետ ճանապարհները։
Հիշեցնենք, որ ներկայացված ռազմավարական պլանի հավանության արժանանալու դեպքում՝ համայնքը կստանա 300․000 եվրո դրամաշնորհ՝ այն կյանքի կոչելու համար։
Կարդացեք նաև
Լիա ՃԱՂԱՐՅԱՆ
