2021թ արդյոք արձանագրե՞լ եք հայրենիքի դավաճանության եւ լրտեսության որեւէ դեպք: Արցախի խորհրդարանի պատգամավոր Նելա Գրիգորյանը նման հարց ուղղեց Արցախի Հանրապետության գլխավոր դատախազ Գուրգեն Ներսիսյանին Արցախի խորհրդարանում հարց ու պատասխանի ժամանակ:
«Պետական դավաճանության եւ լրտեսության առումով մի քանի այդպիսի դեպքեր են արձանագրվել, բայց ԱԱԾ-ի հետ համատեղ, որպես այդ ոլորտի թիվ 1 պատասխանատու եւ ողջ ինֆորմացիային տիրապետող մարմին` մենք մշտապես փորձել ենք կանխարգելել այդպիսի դեպքերի տեղի ունենալը, քան հանցանքն ավարտվելուց հետո արձագանքել»,-ասաց Գուրգեն Ներսիսյանը:
«Մոտ 3 դեպք ենք ունեցել ադրբեջանական հատուկ ծառայությունների կողմից հավաքագրվելու: Գրեթե հասել էին այն փուլին, որ մեր քաղաքացիների կողմից պետք է տեղեկություններ փոխանցվեին Ադրբեջանի հատուկ ծառայություններին: Ըստ էության՝ մեզ հաջողվել էր կանխարգելել դա, այդ մասին ԱԱԾ-ն մի քանի անգամ տեղեկություն հրապարակեց: Սրանք գրեթե նույնպիսի դեպքեր են, ինչպիսիք արձանագրվել են 2020թ հունվար-փետրվար ամիսներին ՀՀ ԱԱԾ-ի կողմից»:
Ըստ Արցախի գլխավոր դատախազի, ի տարբերություն հայաստանյան դեպքերի, Արցախում ավելի վաղ փուլում են հավաքագրման գործընթացը բացահայտել եւ կանխել:
Կարդացեք նաև
Գոհար ՀԱԿՈԲՅԱՆ
