«Ռազմինֆո» կայքի համակարգող, ռազմական հարցերով փորձագետ Կարեն Վրթանեսյանի ֆեյսբուքյան գրառումը
Երեկ չէ առաջին օրը Նիկոլի վայրենավարի քշող ավտոշարասյունը հետիոտնային անցումի վրա կին է սպանում։
Երեկ համարյա նույն տեղում նույն կորտեժը նույն ձևով կրկին վթարային իրավիճակ է ստեղծում՝ վտանգելով 3 երեխայով երիտասարդ ընտանիքին։
Զուգահեռ նույն այդ «մահվան կորտեժի» տարբեր ամիսների վիդեոներ ու մարդկանց վկայություններ են հայտնվում համացանցային տարբեր հարթակներում, ինչից ակնհայտ է դառնում, որ սրանք արդեն տարուց ավելի այդպես են քշում և ողբերգությունը զուտ ժամանակի հարց էր, ավելին, նոր ողբերգությունից ոչ ոք երաշխավորված չէ։
Կարդացեք նաև
Միաժամանակ նիկոլենցից զղջալու որևէ նշույլ չկա։ Փոխարենը սկսում են սադրանքները…
Այդ մասին մանրամասն գրել են Վահագն Մխոյանը և Տիգրան Քոչարյանը։ Որ չկրկնեմ, ուղղակի հղումները տամ, կարդացե՛ք։
Վահագն Մխոյան. «Նիկոլին նոր արյուն է պետք…»:
Տիգրան Քոչարյան. «Նիկոլենք հաստատ մի բան կազմակերպելու են, որ և Սոնայի սպանության հարցը շեղեն և փորձեն հակահարձակման գնալ…»
Միայն մի կարևոր բան ավելացնեմ. Նիկոլը զգում է, որ շարժումն ուժեղանում է։ Հիմա ամեն գնով փորձելու է վարկաբեկել, այդ թվում խփոցիներ սադրելով։ Չպետք է թողնենք, որ նա մեր բողոքի ուժը մեր դեմ օգտագործի։
