Ապրիլի 21-25-ը, Ղազախստանի հանրապետության Կոստանայ քաղաքում կայացած ամենամյա «ALTIN MIKROFON» («Ոսկե միկրաֆոն») երգի միջազգային մրցույթում Հայաստանը ներկայացրել է Երևանի Շառլ Ազնավուրի անվան մշակույթի և արվեստի պետական քոլեջի «Երգեցողություն» մասնագիտության 4-րդ կուրսի ուսանողուհի Տաթևիկ Արծրունյանը։
19-րդ անգամ կայացած «ALTIN MIKROFON» մրցույթում հանդես են եկել 7 երկրի 49 մասնակից, այդ թվում՝ Ռուսաստանից, Բելառուսից, Ուկրաինայից, Բուլղարիայից, Ղրղըզստան, Ղազախստանից և Հայաստանից։
Հայաստանի պատվիրակ Տաթևիկ Արծրունյանը առաջին օրը կատարել է կոմպոզիտոր Արթուր Գրիգորյանի «Կանգ առ», իսկ հաջորդ օրը՝ Jenifer Hudson-ի «One night only» ստեղծագործությունները։ Մրցութային երկու օրերի ընթացքում Տաթևիկը վաստակել է ժյուրիի 7 անդամների ամենաբարձր՝ 10-ական միավորները և արժանացել 1-ին մրցանակին։
Կարդացեք նաև
Երևանի Շառլ Ազնավուրի անվան մշակույթի և արվեստի պետական քոլեջի տնօրեն, երգիչ Վրեժ Կիրակոսյանը վերջին 5 տարիներին հանդես է եկել մրցույթի ժյուրիի կազմում, սակայն Հայաստանը երբևէ մասնակից չի ունեցել։ Այս տարի, որոշում կայացվեց, որպեսզի մրցույթում Հայաստանը հանդես գա ոչ միայն ժյուրիի կազմում, այլ նաև մասնակցի։
1-ին օրվա կատարում՝ 4 ժամ 15 րոպեից։
Մրցանակի հանձնում՝ 45:00 րոպեից
Երևանի Շառլ Ազնավուրի անվան մշակույթի և արվեստի պետական քոլեջի մամուլի ծառայություն
