Aravot.am-ի տեղեկություններով՝ երեկ Պարոնյան-Լեո փողոցների խաչմերուկում մահվան ելքով վրաերթի ենթարկված 29 ամյա հղի Սոնա Մնացականյանի ծնողները հայտնի բժիշկներ են: Հայրը՝ տրավմատոլոգ, մայրը՝ մանկաբույժ: Հայրը՝ Արտաշատի բժշկական կենտրոնի բժիշկ-վնասվածքաբան Մնացական Մնացականյանն է, մայրը՝ մանկաբույժ Արմինե Մակինյանը:
«Հիմա սգի մեջ եմ, չեմ ցանկանում խոսել, բայց չեմ ցանկանում, որ այս դեպքը քաղաքականացվի, կաշխատեմ այնպես անել, որ չքաղաքականացվի. այդ ամենը թող մնա հետագային»,- Aravot.am-ին ասաց մահացած կնոջ հայրը՝ Մնացական Մնացականյանը:
Նա ասաց նաեւ, որ կպարզի դեպքի հանգամանքներն ավելի ուշ, թե ինչպես է դեպքը տեղի ունեցել:
Կարդացեք նաև
Նա նաեւ հայտնեց, որ դստերը վրաերթի ենթարկած մայորի հարազատներն արդեն այցելել են իրենց ու ցավակցել, հայտնել իրենց ափսոսանքը:
Արփինե ՍԻՄՈՆՅԱՆ
