Ինչպես արդեն տեղեկացրել ենք, ՀՀԿ երիտասարդական թեւի ներկայացուցիչները այսօր փակել էին Երեւանի Տերյան-Մոսկովյան խաչմերուկը։
Ցույցի ժամանակ ոստիկանները սկսեցին խոչընդոտել նաեւ լրագրողների աշխատանքին։ Նրանք հրմշտում էին ցույցը լուսաբանող լրագրողներին՝ պատճառաբանելով, թե խանգարում են իրենց աշխատանքին։
Բարձրաստիճան ոստիկաններից մեկը նաեւ լեզվակռվի մեջ մտավ Հ2 հեռուստաընկերության լրագրողի հետ, սպառնալով անգամ բիրտ ուժ կիրառել լրագրողի նկատմամբ։
Մանրամասները՝ տեսանյութում։
Կարդացեք նաև
Ի դեպ, ցույցի ողջ ընթացքում ոստիկանները այդպես էլ որեւէ հոդաբաշխ բացատրություն չներկայացրին, թե ինչու են ցուցարարներին արգելում կանաչ լույսի տակ փողոց հատել։ Լրագրողների բոլոր հարցերին ի պատասխան, հնչում էր միեւնույն արտահայտությունը՝ երթեւեկությունը կկարգավորվի, կանցնեք։ Թե երթեւեկությունը ե՞րբ պետք է կարգավորվեր, ո՞վ կամ ինչպե՞ս պետք է կարգավորեր, հարցերն այդպես էլ անպատասխան մնացին։
Ի վերջո, ցուցարարների եւ ոստիկանների միջեւ պայմանավորվածություն ձեռք բերվեց, ցուցարարները իրազեկման երթով քայլեցին մայրաքաղաքի կենտրոնի մի քանի փողոցներով։ Երթը ավարտվեց ՀՀԿ գրասենյակի մոտ։
Նելլի ԳՐԻԳՈՐՅԱՆ
