Թուրքիայի արտգործնախարարի՝ հայերին ուղղված անպարկեշտ ժեստը ժամանակակից սպառնալիք է Եվրոպային. գերմանական «Neues Deutschland» թերթի անդրադարձը
Գերմանական «Neues Deutschland» օրաթերթի խմբագիր Պիտեր Շտայնիգերը «Քողարկված գայլը. սադրանք հայերի դեմ» վերտառությամբ իր հոդվածում անդրադառնալով Թուրքիայի արտգործնախարար Մևլութ Չավուշoղլուի ազգայնականությանը՝ մասնավորապես՝ Ուրուգվայ կատարած պետական այցի ժամանակ հայերին ուղղված «Գորշ գայլեր»-ի ժեստին, այն համարել է արդի սպառնալիք ողջ Եվրոպայի համար:
Նա մասնավորապես գրել է. «Անկարայի գլխավոր դիվանագետ Մևլութ Չավուշօղլուն անպարկեշտ ժեստով աչքի է ընկել կիրակի օրը Մոնտեվիդեոյում։ Ուրուգվայ պետական այցի ժամանակ Թուրքիայի դեսպանատան բացման արարողությանն ուղևորվելու ճանապարհին նա, այսպես կոչված, գայլի ողջույնն է ցուցադրել մի խումբ հայ ցուցարարների։ Քաղաքական գործչի դեմ բողոքի ակցիան զուգադիպել է ապրիլի 24-ին՝ երիտթուրքերի կողմից 1915 թվականին հայերի կոտորածի տարելիցի մեկնարկին – ցեղասպանություն, որում իր մասնաբաժինն ուներ նաև Գերմանական կայսրությունը։ Կենդանու գլխի ձևով ձեռքով արտահայտած նշանը ֆաշիստական «Գորշ գայլերի» նույնական նշանն է, որոնք տասնամյակներ շարունակ ահաբեկել են ձախերին և հատկապես քրդերին: «Գորշ գայլեր»-ի մայր կուսակցությունը` MHP-ն սերտորեն կապված է նախագահ Էրդողանի` Արդարություն և զարգացում կուսակցության (ԱԶԿ) հետ: Հոյակապ ակնարկներ «եվրոպական ընտանիքի» համար, բացի այդ, ջանքեր են գործադրվում մեծ թուրքական իսլամիստական կայսրություն ստեղծելու ուղղությամբ։
Դրա հետևանքները զգում են նաև հայերը:
Կարդացեք նաև
Առաջին համաշխարհային պատերազմի ժամանակ Օսմանյան կայսրությունում հարյուր հազարավոր հայերի սպանության վերաբերյալ Թուրքիայի պատմական քաղաքականությունը մեղքի ուրացման պետական խնդիր է:
Երկու տարի առաջ Ադրբեջանի հարձակումը Լեռնային Ղարաբաղի վրա ոգեշնչված էր Էրդողանի կառավարության կողմից, որը դաշնակից է կոռումպացված Ալիևի բռնապետությանը։
Չավուշօղլուի սադրանքը նույնպես ժամանակակից սպառնալիք է»:
