Ինչպես հայտնել էինք, Կոմիտասի պողոտայում գտնվող Սուրբ Խաչ եկեղեցու բակից այսօր մեկնարկեց Նիկոլ Փաշինյանի հրաժարականի պահանջով եւ հանուն Արցախի փրկության գաղափարի շուրջ միավորման երթը։ Իրենց հերթին Ազատության հրապարակից ԱԺ «Պատիվ ունեմ» խմբակցության պատգամավոր Արթուր Վանեցյանի, «Հայրենիք» կուսակցության եւ նրանց համակիրների երթն ընթացավ դեպի Ֆրանսիայի հրապարակ։ Բողոքի երթերն այսօր Ֆրանսիայի հրապարակում են միավորվելու։ Մեծաթիվ ոստիկանների եւ ցուցարարների միջեւ մի պահ քաշքշուկ եղավ, իրավիճակը լարվեց։
Ցուցարարներ ջանքերով միջադեպը շարունակություն չունեցավ, երթը շարունակվեց։ «Առանց թուրքի Հայաստան»,-բղավում էին ցուցարարները։ «Բռունցքները բարձր, իրար հետ՝ մինչեւ հաղթանակ։ Մեր պայքարն անկասելի է։ Անպայման ունենալու ենք հաղթանակ»,-բարձրախոսով հայտարարեց Արթուր Վանեցյանը։ Այնուհետեւ ցուցարարները կաթվածահար արին Մաշտոցի պողոտան։ Ոստիկանները փորձեցին ազատել երթեւեկելի գոտին, կրկին քաշքշուկ եղավ։ Ցուցարարները նստեցին գետնին՝ գոռալով «հայեր միացեք»։ Հետո ցուցարարներն ինքնակամ կանգնեցին ու շարունակեցին երթը դեպի Ֆրանսիայի հրապարակ։
Լուիզա ՍՈՒՔԻԱՍՅԱՆ
բազմամա՞րդ
մինչեւ ժամը 21:33ի դրութեամբ օդանկարով չիրազեկուիմ ՝ չեմ հաւատար.