«Հայրենիք» կուսակցության քաղխորհրդի անդամ Արսեն Բաբայանը թելեգրամյան իր ալիքում գրառել է. «Իշխանությունը եռակի ակտիվությամբ սկսել է պտտել մի ստոր թեզ, թե ընդդիմությունը պատերազմ է ուզում:
Այս ստոր մանիպուլյացիային նախկինում էլ եմ անդրադարձել, մեկ անգամ էլ կանդրադառնամ:
Պատերազմի վտանգը մեր երկրի գլխին կախված է հենց այս իշխանության գոյությամբ և բացառապես հենց այս իշխանության ջանքերով: Այդ մասին ԱԺ-ում ուղիղ հայտարարել է անձամբ Նիկոլ Փաշինյանն իր վերջին կործանարար ելույթում: Նա մասնավորապես պնդել է, որ Արցախը Ադրբեջանի կազմում թողնելու իրենց ծրագիրը դեռ չի նշանակում, որ Հայաստանն անվտանգ կլինի: Զուգահեռ մենք հրաշալի հիշում ենք Ալիևի նկրտումները Հայաստանի Հանրապետության բազմաթիվ տարածքների նկատմամբ: Մենք տեսել ենք նաև, որ այս իշխանությունը անվերապահորեն համաձայնվում է ադրբեջանական և թուրքական իշխանության պայմաններին:
Պատերազմի վտանգը կանխելու միակ միջոցն այս իշխանության հեռացումն է, որից հետո նոր իշխանությունը կհաջողացնի ակտիվ ու հայակենտրոն դիվանագիտությամբ հասնել լուրջ հաջողությունների:
Կարդացեք նաև
Հարկ է նկատի ունենալ նաև, որ այս կործանարար իշխանությունը կազմակերպված ձևով ոչնչացնում է ապագայում նոր իշխանության կողմից հաջողությունների հասնելու բոլոր հնարավորությունները:
Արի հրապարակ, որ միասին պահպանենք ու շենացնենք մեր մեծ հայրենիքը»:
